"Real"ning sobiq yarim himoyachisi Guti "PSJ" hujumchisi Lionel Messini "Barselona"ga qaytmaslikka chaqirdi.

Eslatib o'tamiz, avvalroq argentinalik futbolchi keyingi mavsumda Parijda qolmasligi va erkin agent sifatida ketishi ma'lum bo'lgandi.

"Agar Messining o'rnida bo'lganimda "Barselona"ga qaytmagan bo'lardim. U bu klubda qo'lidan kelgan barcha narsaga erishgan. Ayni paytda bu chaqiruv juda katta ko'rinadi. "Barselona" hozirda Chempionlar ligasida g'alaba qozonishga qodir emas, hatto Messi ham ularga yordam bera olmaydi", - dedi Guti El Chiringuito TV telekanalida.

Eslatib o'tamiz, "Barselona" Messini qaytarmoqchi, biroq moliyaviy qoidalar buzilgani uchun kelishuv La Liga rahbariyati tomonidan tasdiqlanmasligi mumkin.