«Barselona» rahbariyati hujumchi Usmon Dembele bilan shartnomani 2027 yilga qadar uzaytirmoqchi."Diario Sport" tarqatgan xabarga ko'ra, frantsiyalik futbolchining agenti o'tgan haftada «Barselona» rahbariyati bilan uchrashdi. Uchrashuvda futbolchiga 2027 yilgacha bo'lgan shartnoma taklif etildi. «Barsa» Dembeleni jamoaning muhim o'yinchisi deb hisoblamoqda. Boz ustiga, u Xavi uchun hujum chizig'idagi muhim futbolchi hisoblanadi. «Barselona» yaqin haftalar ichida Dembele bilan yangi shartnoma borasida kelishuvga erishmoqchi. Usmonning o'zi ham "Kamp Nou"da qolishga qarshi emas.Dembelening amaldagi shartnomasi 2024 yilning yozida yakuniga etadi. Joriy mavsumda u La ligada 20ta o'yinda ishtirko etib, 5 gol va 5 assist muallifiga aylandi.