"Arsenal" "Barselona" hujumchisi Ansu Fatiga qiziqish bildirayotgan klublar ro'yxatidan joy oldi.

Kataloniya klubi prezidenti Joan Laporta 20 yoshli futbolchini qo'yib yuborishni istamayapti. U taklifni ko'rib chiqishga tayyor bo'ladi, agar taklifda "kanonirlar" sardori Martin Edegor bo'lsa. Bu haqda El Nacional xabar bermoqda.

Edegor 2022/2023 yilgi mavsumda “Arsenal” safida 43 ta o'yinda maydonga tushdi. Ularda 24 yoshli norvegiyalik futbolchi 15 ta gol urdi va sheriklariga 8 ta golli uzatma berdi. Transfermarkt portali Edegorni 80 million evroga baholamoqda.