"Barselona" yaqin kelajakda yarim himoyachi Frenki de Yong bilan muzokaralarni boshlaydi.

Kataloniyaliklar niderlandiyalik futbolchining maoshini pasaytirib, shartnomani uzaytirmoqchi. Bu haqda Ispaniyaning Sport nashri xabar bermoqda.

So'nggi yillarda matbuotda "Barselona"ning maoshi yuqori bo'lgani uchun de Yong bilan xayrlashmoqchiligi haqida xabarlar paydo bo'lgandi. Endi, aftidan, "ko'k-anorranglilar" boshqa echim qidirmoqda. Klub hali ham moliyaviy qiyinchiliklarni boshdan kechirmoqda.

Eslatib o'tamiz, 26 yoshli Frenki de Yongning amaldagi shartnomasi "Barselona" bilan 2026 yilning o'rtalariga qadar amal qiladi.