"Barselona" hujumchisi Robert Levandovski "Bavariya"dagi sobiq jamoadoshi Joshua Kimmixni "Kamp Nou"ga qo'shilishga chaqirdi. "Ko'k-anorranglilar" mavsum yakunida Xavi Ernandes jamoasini tark etadigan Serxio Buskets o'rniga Myunxen klubidan yarim himoyachi sotib olmoqchi.

"Kimmixga aytishim mumkinki, "Barselona"ga o'tish bunga arziydi. Bu erda vaziyat bo'yicha "Bavariya"dan ko'p farq qiladi. Bu ikkita katta klub, ammo Barselonada hammasi boshqacha", - deya Levandovskining so'zlaridan iqtibos keltiradi jurnalist Tomash Vlodarchik.

"Barselona"dagi birinchi mavsumida Levandovski Ispaniya chempionligini qo'lga kiritdi.