"Barselona" Jyul Kundeni o'z xohishiga qarshi ushlab turmoqchi emas.

Diario Sport bosh murabbiy Xavining dastlabki va'dalariga qaramay, himoyachi himoya markazidan ko'ra o'ng qanotda ko'proq o'ynaganidan norozi ekani haqidagi oldinroq xabar bergandi.

Frantsiyalik futbolchi, shuningdek, "Atletik"dan Inigo Martinesni qo'lga kiritgandan so'ng, markaziy himoyada o'ynash imkoniyati yanada kamayishiga ishonmoqda.

Kunde boshqa klublarning takliflarini tinglashga tayyor va "Barselona" bunga bor kuchi bilan to'sqinlik qilmoqchi emas, chunki ularga pul kerak.

"Chelsi" futbolchi uchun "blaugrana" o'tgan yozda "Sevilya"ga berganidan (50+5 million evro) ko'proq pul to'lashga tayyor va bu haqda ispan klubi biladi. Bu holatda ular Kunde o'rniga o'ng qanot himoyachisini qidiradi va Xuan Foyt (Vilyarreal) asosiy variantlardan biri bo'ladi.