Kataloniyaning "Barselona" klubi bosh murabbiyi Xava Ernandes hujumchi Ansu Fatining jamoadagi kelajagi haqida gapirdi.

Avvalroq, "ko'k-anorranglilar" bu yozda o'z tarbiyalanuvchisidan qutulmoqchi ekani xabar qilingandi.

"Fatining taqdiri nima bo'ladi? Birinchidan, kelgusi hafta nima bo'lishini tushunishimiz kerak. Keyin qaror qabul qilamiz. Ansu menga yoqadigan futbolchi. Men unga ko'p imkoniyatlar berdim va u ulardan foydalandi. Ammo bu jarohatlarning barchasi... Ansuga mashg'ulotlar va o'yinlarda doimiy o'yin amaliyoti kerak", - dedi Xavi.

La Liganing joriy mavsumida 20 yoshli forvard 35 ta o'yinda maydonga tushib, 6 ta gol va 3 ta golli uzatmaga mualliflik qilgan.