Kataloniyaning "Barselona" klubi bosh murabbiyi Xavi Ernandes braziliyalik yarim himoyachi Rafinya Diasning kelajagi haqida gapirdi.

"Rafinya transferga tayyor emas. U klubda qoladi va bizga foyda keltiradi. Men uchun Dias jamoaning asosiy o'yinchilaridan biri. Rafinya maydonda farq qiladi", - dedi Xavi Mundo Deportivo bilan suhbatda.

26 yoshli braziliyalik futbolchi o'tgan yilning yozida "Lids"dan 58 million evro evaziga "ko'k-anorranglilar" safiga qo'shilgan edi. Futbolchining shartnomasi 2027 yilning yoziga qadar mo'ljallangan.

La Liganing joriy mavsumida Rafinya 35 ta o'yin o'tkazib, 7 ta gol urdi va 7 ta golli uzatmani amalga oshirdi.