"Barselona" yarim himoyachi Frank Kessie bilan xayrlashmoqchi.

Jurnalist Xavi Migel xabariga ko'ra, "ko'k-anorranglilar" bosh murabbiyi Xavi Ernandes yaqinda ivuarlik bilan uchrashgan va klub uni qiyin iqtisodiy vaziyat tufayli sotishga qaror qilganini tushuntirgan.

Qayd etilishicha, Kessie "Barselona"ning qaroriga xayrixoh. Kataloniya klubi endi ivuarlik yarim himoyachi uchun xaridor qidirmoqda. Xavi Ernandes jamoasi Frankni 35 million evro evaziga qo'yib yuborishga tayyor.

So'nggi oylarda Kessiening transferiga eng ko'p qiziqish bildirgan klub "Inter" bo'ldi.