Italiyaning "Komo" klubi yarim himoyachisi Sesk Fabregas futboldagi kelajagi haqida o'ylamoqda.

Nikolo Skiraning so'zlariga ko'ra, ispaniyalik futbolchining "Komo" bilan shartnomasi kelasi mavsum oxirigacha amal qiladi, biroq u yaqin kunlarda professional faoliyatini yakunlashi mumkin.

36 yoshli Fabregas joriy mavsumda "Komo" safida B Seriyada 17 ta o'yinda maydonga tushib, 2 ta golli uzatmani amalga oshirdi.

Sesk "Arsenal", "Barselona", "Chelsi" va "Monako"dagi o'yinlari bilan tanilgan. Ispaniya terma jamoasida u ikki marta Evropa chempionatida g'oliblikni qo'lga kiritgan, 2010 yilda jahon chempioni bo'lgan.