Ispaniyalik yarim himoyachi Tyago Alkantara "Barselona"ga qaytishga yaqin turibdi.

Jurnalist Sasha Tavolierining so'zlariga ko'ra, "Liverpul" ichidagi manbalar yarimhimoyachining shu yozda "ko'k-anorranglilar" jamoasiga o'tish ehtimoli katta deb hisoblamoqda. Muzokaralar olib borilmayotganiga qaramay, aynan "Barsa" ispaniyalik uchun asosiy variant bo'lib, u o'z vataniga qaytib, Xavi qo'l ostida o'ynashni istaydi.

Tyago 2013 yilgacha kataloniyaliklar safida to'p tepgan, faoliyatining qolgan qismini "Bavariya" va "Liverpul"da o'tkazgan.