Braziliya doimo jahon futbolidagi iqtidorlarning asosiy manbalaridan biri bo'lib kelgan. Endi bu tendentsiya tobora kuchayib bormoqda: yosh futbolchilar ko'payib bormoqda va ularning narxi tez sur'atlar bilan o'sib bormoqda. Neymar, Vinisius, Rodrigo – so'nggi o'n yil ichida Evropa klublari istiqbolli braziliyaliklarga katta mablag' sarflashdi.

Tez orada Evropada yana bitta super iqtidor paydo bo'ladi. "Barselona" "Atletiko Paranaense"dan hujumchi Vitor Rokeni ajoyib shartlar evaziga sotib oldi. Braziliya klubi zudlik bilan 30 million evro oladi, yana 31 million evro bonus sifatida beriladi. 18 yoshli futbolchi keyingi mavsumni ijara asosida Braziliyada o'tkazadi va bir yildan keyin "Barsa"ga o'tadi.

Rokening "Barsa" bilan shartnomasi ham ajoyib. U sakkiz yilga mo'ljallangan va 500 million evro miqdoridagi tovon pulini o'z ichiga oladi. Roke o'zi qanday futbolchi? Keling tanishamiz.

Vitor Braziliya janubi-sharqidagi Timoteu munitsipalitetida tug'ilgan. Ko'pincha bo'lgani kabi, yigitni futbolda yarimhimoyachi sifatida havaskor darajada o'ynagan otasi tarbiyalagan. Rokening salohiyati tezda namoyon bo'ldi va juda yoshligida u mamlakatdagi eng yaxshi akademiyalardan biri hisoblangan Kruzeyro akademiyasiga qo'shildi. Va 10 yoshida u “Atletiko Mineyro” tizimiga o'tdi.

Futbol yo'lining dastlabki bosqichi janjalsiz o'tmadi. 14 yoshida Vitor “Atletiko Mineyro” akademiyasini tark etishga qaror qildi va 2019 yil mart oyida yoshlar shartnomasini imzolab, “Kruzeyro”ga qaytdi. Bu "Atletiko" rahbariyatiga yoqmadi boshliqlar futbolchiga bo'lgan iqtisodiy huquqlarning bir qismi ularga tegishli deb hisoblashdi. Ish sudgacha borgan va natijada sobiq klub Vitor qiymatining 35 foizini olgan.

“Kruzeyro”da Roke yoshlar darajasida rivojlanishda davom etdi va ikki yil o'tgach, 2021 yil may oyida u o'zining birinchi professional shartnomasini imzoladi. Uning debyut goli uchun to'qqiz oy kerak bo'ldi, ammo keyin jarayon yanada faollashdi. 2022 yilning apreliga kelib, Vitor ajoyib statistikaga erishdi: asosiy jamoa uchun 16 o'yinda oltita gol.

Va keyin birinchi to'liq transfer sodir bo'ldi. 2022 yilning bahorida “Atletiko Paranaense” o'z rekordini yangiladi va Roke uchun 4,4 million evro ajratdi. Vitor darhol asosiy tarkibga kiritildi va futbolchi natija bera boshladi. Birinchi mavsumda yosh hujumchi klub safida 36 ta o'yinda “gol+pas” tizimi bo'yicha 7+3 natija qayd etdi va shu bilan birga yoshlar jamoasida ham o'zini namoyon qildi. Roke bu yil Braziliya U-20 Janubiy Amerika chempionatida g'alaba qozonishga yordam berdi va sakkizta uchrashuvda oltita gol urdi. Futbolchi hatto afsonaviy Ronaldoning maqtoviga sazovor bo'ldi, u Vitor futbolda aql bovar qilmaydigan cho'qqilarni zabt etishini aytdi. Shuningdek, u asosiy jamoaga debyut chaqiruvini oldi va Marokash bilan o'yinda 26 daqiqa maydonga tushdi va braziliyaliklar 1:2 hisobida mag'lub bo'ldi.

O'z uyida Vitor uzoq vaqtdan beri "yangi Ronaldo" deb ataladi. Va bu nafaqat ular bir xil pozitsiyada o'ynagani bilan bog'liq va balki ikkalasi ham “Kruzeyro”da professional faoliyaitni boshlangan. Roke fintlar qo'llashdan tortinmaydi, aniq zarbaga ega, penalti tepadi va bo'yi 172 sm bo'lishiga qaramay, bosh bilan qanday harakat qilishni biladi. Sifatlar to'plamiga ko'ra, "Barsa" hujumchini zaif tomonlarisiz qo'lga kiritganini his qilish mumkin. Albatta, Vitorda hali o'sish uchun imkoniyat ko'p u atigi 18 yoshda.

Joriy mavsumda Roke klub miqyosidagi barcha musobaqalarda 30 ta o'yinda 15 ta gol urdi. Vitorning gol urishning eng sevimli usuli bu to'pni jarima maydonchasi oldidan olib, uni himoyachilarning ichidan olib o'yib darvozaga kiritish, qaysidir jinatdan Messiga ham o'xshashliklar mavjud.