"Barselona" yarim himoyachisi Ilkay Gyundogan yangi klubiga moslashishi uchun vaqt kerakligini aytdi. Asli turkiyalik bo'lgan nemis "Manchester Siti"ni tark etgach, tekinga "ko'k-anorranglilar" safiga o'tdi.

"Men o'z pozitsiyamni yaxshi bilaman, lekin yangi jamoadoshlarimga moslashishim kerak. Biz o'ynamoqchi bo'lgan futbol haqida aniq tasavvurga egamiz. Sabrli bo'lish muhim", - dedi Gyundogan “Arsenal”ga qarshi o'yindan keyin bergan intervyusida.

Eslatib o'tamiz, Gyundogan "Barselona" safida Londonning "Arsenal" jamoasiga qarshi o'rtoqlik o'yinida maydonga tushgan va Kataloniya jamoasi 3:5 hisobida mag'lub bo'lgan edi.