"Barselona" hujumchisi Ferran Torres Xavi Ernandes bilan qolishni istayotganini aytdi.

Eslatib o'tamiz, "ko'k-anorranglilar" ushbu yozda futbolchini sotmoqchi edi, biroq hujumchi ketishdan qat'iyan bosh tortdi.

“Men “Barselona”da qolaman, bu klub bilan shartnomam bor. Men qolaman va nimaga qodirligimni ko'rsatmoqchiman”, - dedi Torres “Arsenal”ga qarshi o'rtoqlik uchrashuvidan keyin bergan intervyusida.

"Barselona" Ferranni 2022 yilning yanvarida "Manchester Siti"dan sotib olgandi. Transfer summasi 55 million evroni tashkil qildi.