"Barselona" prezidenti Joan Laporta "Inter Mayami" hujumchisi Lionel Messi Kataloniya klubiga qaytishi haqida gapirdi.

"U qaytishga juda yaqin edi, lekin biz nima uchun u "Inter Mayami"ga o'tishga qaror qilganini tushunamiz.

Otasi bizga hammasini tushuntirib berdi, men undan minnatdorman. Parijda bir muncha vaqt Leo jiddiy bosim ostida edi, "Barselona"da ham shunday bo'lardi", - deya Laportaning so'zlarini keltiradi Marca.

Messi "Inter Mayami" bilan 2025 yilgacha shartnoma imzoladi. 36 yoshli argentinalik futbolchi yiliga 60 million dollargacha maosh olishi xabar qilingandi.