Evropa gigantlari yaqinda Belgiya terma jamoasiga chaqirilgan iqtidorli yarim himoyachi Artur Vermirenni faol kuzatib bormoqda.

18 yoshli futbolchiga «Arsenal» va «Barselona» qiziqish bildirgan.

Sport xabariga ko'ra, ayni damda Vermiren uchun kurashda «Arsenal» peshqadamlik qilmoqda. Premer-liga klubi yosh futbolchi uchun 20 million evro to'lashga tayyor. «Barselona» yaqin oylarda moliyaviy ahvoli yaxshilansagina bunday mablag'ni to'lay oladi.

Klub darajasida Artur Vermiren «Antverpen» sharafinini himoya qiladi.