Toni Kroosning fikricha, "Real" va "Barselona" o'rtasidagi uchrashuv La Liga chempionini aniqlamaydi.

La Liganing 11-turidan o'rin olgan "Barselona" - "Real" uchrashuvi 28 oktyabr kuni bo'lib o'tadi va Toshkent vaqti bilan soat 19:15da boshlanadi. Anchelotti shogirdlari turnir jadvalida peshqadamlik qilmoqda, kataloniyaliklar esa ulardan bir ochkoga ortda qolishmoqda.

"Bu o'yin natijasi La Liga chempionligi uchun kurash taqdirini hal qilishini aytishimni xohlaysizmi? Yo'q. Bu o'yin jadvaldagi o'rin uchun muhim, ammo bu o'yin o'z-o'zidan muhim.

Biz g'alaba uchun boramiz. G'alaba qozonsak "Barselona"dan 4 ochko ilgarilab ketamiz. Lekin bu hech narsani anglatmaydi. Agar yutqazsak, ulardan ikki ochko ortda qolamiz, bu ham hech narsani anglatmaydi.

Ammo biz g'alaba qozonishni xohlayotganimiz aniq. "Klasiko" - bu "klasiko" - dedi "Real" yarim himoyachisi Kroos Einfach mal luppen bilan suhbatda.