Bilbaoning "Atletik" klubi vingeri Niko Uilyams top-klublardan biriga o'tishi mumkinligi haqidagi mish-mishlar haqida o'z fikrini aytdi.

21 yoshli futbolchining amaldagi shartnomasi mavsum oxirida yakuniga etadi. Bir necha bor xabar qilinganidek, ko'plab gigantlar, jumladan "Real Madrid", "Barselona" va Angliya Premer-ligasi vakillari vaziyatni diqqat bilan kuzatib borishmoqda.

"Real Madrid, "Barselona" va Angliya klublari meni yaqqol kuzatayotgani men o'z ishimni yaxshi bajarayotganimni anglatadi", - deya futbolchi so'zlarini keltiradi Barca Times.

"Atletik" Niko Uilyams bilan shartnomani uzaytirishdan manfaatdor, biroq haligacha kelishuvga erishilmagan.