"Barselona" yarim himoyachisi Pedri Ispaniya Superkubogining kamida bitta o'yinida ishtirok etishi kerak. Jurnalist Xavi Migel xabariga ko'ra, futbolchi o'z jamoasi bilan Saudiya Arabistonidagi turnirga yo'l oladi.

Tibbiyot xodimlari futbolchining sog'lig'ini xavf ostiga qo'yishni istamagani uchun "Barselona" Ispaniya Superkubogi yarim finalida Pedridan foydalanmasa kerak. Agar jamoa finalga chiqsa, yarim himoyachi hal qiluvchi bahsda maydonga tushishi mumkin.

Eslatib o'tamiz, Pedri mashg'ulotlarda olgan jarohati tufayli “Barselona”ning “Almeriya” bilan so'nggi o'yinini o'tkazib yuborgan edi.