Shartnomasi "Manchester Yunayted"ga tegishli bo'lgan "Xetafe" hujumchisi Meyson Grinvud "Barselona"ga o'tishi mumkin.

The Sun nashrining yozishicha, «ko'k-anorranglilar» Grinvudni sotib olish uchun 46 million evro ajratmoqchi.

Oldinroq klub 22 yoshli futbolchiga "Barsa" o'ninchi raqamni taqdim etishga tayyorligi haqida xabar berilgandi.

OAV xabarlariga ko'ra, Grinvud xizmatlariga "Real" va "Atletiko" klublari, shuningdek, vinger ijara asosida to'p tepayotgan "Xetafe" ham qiziqish bildirmoqda.

Joriy mavsumda angliyalik barcha turnirlarda 15 ta o'yinda qatnashib, beshta gol urdi va to'rtta golli uzatmani amalga oshirdi.