"Barselona" ustozi Xavi Ernandes "Real" bosh murabbiyi Karlo Anchelotti haqidagi savolga javob berdi.

Jamoalar yakshanba kuni Ispaniya Superkubogi finalida to'qnash kelishadi. Yarim finalda “Barselona” “Osasuna”ni (2:0), “Real” esa qo'shimcha bo'limlarda “Atletiko”ni mag'lub etdi (5:3).

"Anchelotti bilan to'qnashuvlar natijasi? Men Karlo bilan juda yaxshi munosabatdaman, ammo qarama-qarshiliklarimiz statistikasini kuzatmayman. Bu mavsumda Anchelotti "Real Madrid" tizimini o'zgartirdi: ular hozir "soxta to'qqizlik" bilan 4-4-2 sxemasida o'ynashmoqda. Bu tafsilot bo'lajak o'yinimizda asosiy bo'ladi, ammo biz unga tayyorgarlik ko'ramiz va g'alaba qozonishga harakat qilamiz. Biz hujumkor futbol o'ynash niyatidamiz va erkin zonalardan foydalanishga harakat qilamiz", - dedi Xavi Barca Universal bilan suhbatda.