Luis Suares "Barselona"ga Ispaniya Superkubogi finalida omad tiladi.

Turnirning final o'yinida "Barselona" "Real Madrid" bilan o'ynaydi.

"Biz - Messi, Alba va Buskets bu haqda hali gaplashmadik, lekin bu o'yinni albatta tomosha qilamiz, chunki biz futbolni yaxshi ko'ramiz, biz "Barselona"ni yaxshi ko'ramiz va Ispaniya Superkubogi finalini tomosha qilish har doim yoqimli. Qaysi jamoaga ishqibozlik qilishimiz yaxshi bilasiz. Klubga va ba'zi jamoadoshlarimga omad tilayman.

Hozirgi vaziyat muhim - Superkubok finaliga chiqish jamoaning qanchalik yaxshi ekanini ko'rsatadi. Bilamanki, La Ligada ular o'zidan kutilgan darajada o'ynamayapti, lekin ular poygada.

Jamoa yangi bosqichda, ko'plab yangi o'yinchilar bor va bu qiyin, lekin asta-sekin barcha muammolar hal bo'ladi. Ular birinchi navbatda kubokni yutish uchun harakat qilishadi va bu Xaviga va butun jamoaga ruhiy va hissiy jihatdan yordam beradi", - dedi "Barselona"ning sobiq, hozirda esa "Inter Mayami" hujumchisi.