"Barselona" vingeri Rafinya Dias hozirda rahbariyatning sotuv uchun asosiy nomzodi hisoblanadi.

Sport xabariga ko'ra, 27 yoshli braziliyalik kelasi mavsumda jamoada qolishi uchun yaqin oylarda o'zining eng yaxshi tomonlarini ko'rsatishi kerakligini biladi.

Manbaning qayd etishicha, Rafinyaga vaziyatni tuzatish uchun 4 oy muhlat berilgan. Braziliyalik futbolchi bu yozda uni sotmasliklari kerakligini rahbariyatga isbotlashi kerak.

Eslatib o'tamiz, bundan bir yarim yil avval “Barselona” rahbariyati Rafinya uchun “Lids”ga 58 million evro to'lagandi. Braziliyalik futbolchiga endi Angliya premer-ligasida talab katta.