"Barselona"ning 16 yoshli futbolchisi Lamin Yamal "Granada"ga (3:3) qarshi o'yindan so'ng intervyu berdi. Yosh vinger dubl qayd etib, uchrashuv qahramoniga aylandi, ammo bu "ko'k-anorranglilar"ga o'z maydonida g'alaba qozonishga yordam bermadi.

"Endi men o'yinning eng yaxshi o'yinchisi sovrini haqida emas, balki g'alaba qozonish uchun qo'ldan boy berilgan imkoniyat haqida o'ylayman. Biz juda ko'p gol o'tkazib yuboramiz, yaxshilanishimiz kerak. Chempionat yakuniga qadar hali ko'p o'yinlar bor, etakchi jamoalar ham ochko yo'qotishi mumkin. Biz ishlashda davom etishimiz va barcha imkoniyatlardan foydalanishimiz kerak", - deya Yamal so'zlarini keltiradi Barca Universal.