Xabarlarga ko'ra, Xans-Diter Flik "Barselona"ni qabul qilib olsa, Ilkay Gyundoganni sotishni talab qiladi.

Ayni damda ishsiz bo'lgan germaniyalik mutaxassis yozda bo'shab qoladigan Kataloniya klubi murabbiyligiga nomzod sifatida ko'rilmoqda. El Nacional xabariga ko'ra, Flikning "Barselona" rahbariyatiga qo'ygan birinchi talablaridan biri Gyundoganni sotish bo'ladi. Mutaxassis hamyurti bilan ishlashni istamaydi, chunki unga ishonmaydi.

Ilkay Gyundogan o'tgan yozda erkin agent sifatida "Barselona"ga o'tgan edi. Avvalroq, germaniyalik yarim himoyachi "Manchester Siti"da o'ynagan.