"Barselona" bosh murabbiylikka nomzodlar doirasini ikki kishigacha qisqartirdi. Todofichajes sahifalarida xabar qilinganidek, ular Xans-Diter Flik va Roberto de Dzerbi o'rtasida tanlov qilishmoqda.

Klub prezidenti Joan Laporta nemisning nomzodini yuqori qo'ymoqda, italiyalikni esa sport direktori Deku ilgari surmoqda. Shu asosda Laporta va Deku o'rtasida ziddiyat paydo bo'ldi.

Eslatib o'tamiz, ayni damda "Barselona" bosh murabbiyi lavozimini Xavi Ernandes egallab turibdi. Ispaniyalik murabbiy joriy mavsum yakunida jamoani tark etadi.