"Barselona" yarim himoyachisi Pedri jarohati sabab uzoq muddatga safdan chiqdi.

Jurnalist Xose Alvares Gayyaning fikricha, 21 yoshli ispaniyalikning joriy mavsumda maydonga tushishi dargumon.

Pedriga o'ng kvadritseps jarohati tashxisi qo'yilgan. Yarim himoyachi Ispaniya chempionatining 27-turidan o'rin olgan "Atletik"ga qarshi o'yinda (0:0) jarohat oldi. Kataloniyaliklar bosh murabbiyi Xavi futbolchining jarohatini jiddiy deb atadi.

Pedri joriy mavsumda “Barselona” safida 24 o'yinda 2 ta gol urdi va 4 ta golli uzatmani amalga oshirdi.