"Barselona" markaziy himoyachisi Ronald Arauxo keyingi transfer oynasida "Bavariya" jamoasiga qo'shilmaydi. Jurnalist Mateo Morettoning yozishicha, urugvaylik futbolchi nemis grandi bilan muzokaralar olib bormayapti.

Joriy mavsumda 25 yoshli himoyachi barcha musobaqalarda 33ta o'yinda ishtirok etib, bitta gol urgan. Arauxoning "Barselona" bilan amaldagi mehnat shartnomasi 2026 yilning o'rtalariga qadar tuzilgan.

Transfermarkt portali mutaxassislari futbolchining narxini 70 million evroga baholamoqda. 31 turdan so'ng "Barselona" Ispaniya chempionati turnir jadvalida 70 ochko bilan ikkinchi o'rinda bormoqda.