"Barselona" hujumchisi Robert Levandovski "Valensiya"ga qarshi o'yinda xet-trik qayd etganidan so'ng jurnalistlar bilan suhbatlashdi. 35 yoshli futbolchi 49, 82 va 93-daqiqalarda darvozani ishg'ol qilib, jamoasiga La Liganing 33-turi doirasidagi (4:2) “ko'rshapalaklar” ustidan irodali g'alabani keltirdi. “Uchta gol urish oson emas. Ikkinchi bo'limda tezroq o'ynashimiz kerakligini bilardik. Biz uch ochko oldik, to'rtta gol urdik – yaxshi o'ynadik, endi “Jirona” bilan keyingi o'yin haqida o'ylashimiz mumkin. Menda La Ligada 16 ta gol bor va hujumda yaxshi harakat qilsak, men uchun gol urish osonroq bo'ladi. Biz bir jamoa bo'lib ishlaymiz va shunda butun jamoa g'alaba qozonadi”, dedi Levandovski DAZN nashriga.