"Barselona" yarim himoyachisi Fermin Lopes joriy mavsumda erishgan muvaffaqiyatiga ishonmayapti. Ispaniyalik futbolchi o'tgan yilning avgust oyida La Ligada "Blaugrana" asosiy jamoasida debyut qilgan, o'shanda u o'zining 20 yoshini nishonlagandi.

Hozirda yarim himoyachi Xavi Ernandes jamoasi safida barcha turnirlarda 37 ta o'yinda 8 ta gol urgan.

“Asosiy jamoa uchun sakkizta gol urishim mumkinligini tasavvur qilish qiyin edi. Bu erga kelish uchun ko'p mehnat qildim. Murabbiydan ishonchi uchun juda minnatdorman. Umid qilamanki, xuddi shu ruhda davom eta olaman. O'tgan haftalar biz uchun og'ir kechdi, bir qancha xatolarga yo'l qo'ydik, ammo bugun baxtimizga g'alaba qozona oldik", - dedi Fermin.