"Барселона" сардори Лионель Месси "Ювентус" форварди Криштиану Роналду билан "Олтин тўп"лар сони бўйича баҳси ҳақида гапирди.

- Бир томондан "Олтин тўп"ни беш марта қўлга киритган ягона футболчига айланганимдан мағрурлангандим. Бу борада Криштиану мен билан тенглашиб олганда бироз хафа бўлганимни тан оламан. Мен энди энг юқорида бир ўзим эмасдим. Лекин, бу мантиқан тўғри, шу билан бирга бир ўзинг бўлган пайтингда ёқимли ҳам эди.

- Сиз тарихдаги энг яхши ўйинчимисиз?
- Очиғи, нимадир дейиш қийин. Бошқа даврларда ажойиб ўйинчилар бўлган. Уларни замонавий футболчилар - Криштиану, Неймар, Мбаппе билан тенглаштириш қийин. Уларнинг ҳар бирида ўзига яраша устунликлари бор.

Тўғриси, мен футбол тарихидаги энг яхши ўйинчиманми ёки йўқ, билмайман. "Олтин тўп"ни бир марта кўп, яъни 6 марта ютганим - омадим. Бу эса мени хурсанд қилади, - дея Мессининг сўзларини келтирди "France Football" босма нашри.