Yarim himoyachi Fermin Lopes "Barselona" bilan shartnomasini uzaytirishga yaqin turibdi.

TodoFichajes portalining o'z sahifalarida xabar berishicha, 21 yoshli futbolchi 2028/2029 yilgi mavsum oxirigacha amal qiladigan mehnat shartnomasini imzolaydi.

Qayd etilishicha, yangi shartnomaga ko'ra Lopesning maoshi sezilarli darajada oshadi. Shu bilan birga, futbolchini "ko'k-anorranglilar"dan 400 million evroga sotib olish mumkin bo'ladi. Bu miqdor uning tovon puli hisoblanadi.