"Barselona" markaziy himoyachisi Ronald Arauxo jamoa mashg'ulotlarini o'tkazib yubordi. Manba bergan xabarga ko'ra, urugvaylik futbolchi bugun mashg'ulot o'tkazmagan, ammo "Almeriya" bilan bo'lajak o'yinda ishtirok etishga tayyor bo'lishi kutilmoqda.

Joriy mavsumda 25 yoshli Arauxo barcha turnirlarda 36 uchrashuvda qatnashib, bitta gol urdi va bitta golli uzatmani amalga oshirdi.

16 may kuni Ispaniya chempionati 36-turidan o'rin olgan "Almeriya" hamda "Barselona" o'rtasidagi uchrashuv bo'lib o'tadi.