"Barselona" himoyachisi Markos Alonso faoliyatini boshqa ispan klubida davom ettiradi. Yangi mavsumdan boshlab 33 yoshli futbolchi erkin agent sifatida o'tadigan "Atletiko Madrid"da o'ynaydi.

Jurnalist Ruben Uriyaning so'zlariga ko'ra, agar kutilmagan voqea sodir bo'lmasa, kelishuv amalga oshadi. Markos Alonso 2022 yilning yozida "Chelsi"dan "Barselona"ga o'tgan edi.

Umuman olganda, ispaniyalik futbolchi jamoa safida barcha musobaqalarda 45 ta o'yin o'tkazib, 3 ta gol urgan. Jarohat bilan bog'liq muammolarga duch kelgan tajribali futbolchi bu mavsumda bor-yo'g'i sakkizta o'yinda maydonga tushdi.