"Barselona" yarim himoyachisi Fermin Lopes Ispaniya terma jamoasidagi debyutidan so'ng Xavi Ernandesga minnatdorchilik bildirdi. 21 yoshli futbolchi Andorra terma jamoasiga (5:0) qarshi kechgan o'rtoqlik uchrashuvining 61-daqiqasida zaxiradan maydonga tushib, 81-daqiqada golli uzatmani amalga oshirdi.

"Agar Xavi bo'lmaganida men bu erda bo'lmagan bo'lardim. Men undan doim minnatdorman", - dedi Lopes.

May oyida Xavi "Barselona" bosh murabbiyligidan bo'shatilgan edi. Uning o'rnini Xans-Diter Flik egalladi.