"Real Sosedad" yarim himoyachisi Mikel Merino "Barselona"ning asosiy maqsadiga aylandi.

“Ko'k-anorranglilar” yarim himoya chizig'ini kuchaytirishning ko'plab variantlarini o'rganib chiqishdi va natijada klub qarorini qabul qiluvchilar bir ovozdan Ispaniya terma jamoasining 27 yoshli futbolchisini tanlashga qaror qilishdi, deb xabar bermoqda Sport. "Barselona" Merino Xans Diter-Flik qo'l ostida jamoaning muhim qismiga aylanishi mumkin deb hisoblaydi va yarim himoyachining asosiy kuchli tomonlaridan biri odatdagi 4-3-3 va 4-2-3-1 sxemalarida teng darajada yaxshi o'ynash qobiliyati deb aytildi.

Mikel Merinoning "Real Sosedad" bilan shartnomasi kelasi yili tugaydi, shuning uchun transfer "Barselona"ga 30 million evroga tushishi mumkin.