"Barselona"da ijaradan qaytgan "Atletiko Madrid" hujumchisi Joau Feliks faoliyatini vatani - Portugaliyada davom ettirishi mumkin. Bu haqda Todofichajes nashri xabar bermoqda.

Manbaga ko'ra, 24 yoshli forvardni o'z safiga La Ligaga o'tishdan oldin o'ynagan Lissabonning "Benfika" klubi qo'shib olmoqchi. Portugaliya top-klubi Feliksning 50 foiz huquqlarini qo'lga kiritishga tayyor.

O'tgan mavsumda Joau Ispaniya chempionatida "Barselona" safida 30 ta o'yin o'tkazdi. Hujumchi ettita gol urdi va uchta golli uzatmani amalga oshirdi. Ijara muddati tugagach, kataloniyaliklar futbolchini sotib olishmadi.