33 yoshli Tyago Alkantara ijtimoiy tarmoqda futbolchilik faoliyati bilan xayrlashganini e'lon qildi.

Oldinroq Fabritsio Romano ispaniyalik futbolchi butsasini mixga ilgani haqida xabar bergandi.

"Menga bergan narsalarni qaytarishga doim tayyorman. Men zavq bilan o'tkazgan bu vaqtim uchun minnatdorman. Rahmat, futbol. Va hammaga rahmat. Kimdir menga hamroh bo'ldi, kimdir meni bu yo'lda yaxshiroq futbolchi va inson qildi. Ko'rishguncha. Tyago", - deb post qoldirdi Alkantara.

Alkantaraning so'nggi klubi "Liverpul" bo'lib, "qizillar" safida 2020 yildan 2024 yilgacha o'ynadi. Faoliyati davomida "Barselona", "Flamengo", "Bavariya" kabi jamoalarda o'ynadi.