"Manchester Siti" hujumchisi Xulian Alvares ushbu transfer oynasida jamoasini tark etmoqchi.

Jurnalist Sem Lining ma'lumotlariga ko'ra, argentinalik issiq iqlimi bo'lgan mamlakatga ko'chib o'tmoqchi. "Manchester Siti" Alvares uchun bonuslarni hisobga olmaganda 70 million evro olmoqchi. Hozircha qiziquvchi klublarning hech biri "shaharliklar"ning moliyaviy talablarini qondirishga tayyor emas.

Oldinroq Alvares ko'proq o'yin amaliyotiga ega bo'lish uchun "Manchester Siti"ni tark etmoqchi ekani haqida xabar berilgandi. Avvalroq Xulianga Londonning "Chelsi" va Kataloniyaning "Barselona" klublari qiziqayotgan edi.