Bundan roppa-rosa 40 yil avval, 1984 yilning 29 iyulida Pep Gvardiola “Barselona” yoshlar jamoasiga kelib qo'shilgan edi. Bu haqda Kataloniya klubi matbuot xizmati xabar bermoqda. "Ko'k-anorranglilar" hattoki 13 yoshli Gvardiolaning klub libosidagi eski suratini ham ilova qildi. O'sha paytda Xosepning sochlari qalin qora edi.

Hozirda Pep Gvardiola “Manchester Siti”ni boshqarmoqda. Angliya klubi boshqaruvidagi sakkiz mavsumi davomida Gvardiola ko'plab sovrinlarni qo'lga kiritdi, jumladan, oltita Angliya Premer-ligasi va bitta Chempionlar Ligasi sovrini. Hozirda Gvardiola "shaharliklar"ni 2024/2025 yilgi mavsumga tayyorlamoqda.