Frantsiyalik vinger Kingsli Koman "Bavariya"da qolishni rejalashtirmayapti, deya xabar bermoqda Lequipe nashri.

Manbaning xabariga ko'ra, nemis grandi boshliqlari futbolchini boshqa klubga qo'yib yuborishga tayyor. 28 yoshli futbolchi qaerda bo'lishi haqida hozircha aniq ma'lumot yo'q. Komanga da'vogarlar orasida "PSJ", "Barselona" va "Fenerbaxche" klublari bor.

Germaniya chempionatida o'tgan mavsumda Koman "Bavariya" tarkibida 17 ta o'yinda maydonga tushdi. Yarim himoyachi uchta gol urdi va uchta golli uzatmani amalga oshirdi. Frantsiyalik futbolchining shartnomasi 2027 yilning yoziga qadar mo'ljallangan, uning bozordagi narxi 50 million evroni tashkil qiladi.