"Real" bosh murabbiyi Karlo Anchelotti "Barselona"ga qarshi bo'lib o'tadigan o'yinda Luka Modrichga umid bog'lashi mumkin. Xorvatiyalik futbolchi kasalligi tufayli Ispaniya Superkubogi yarim finalida “Malyorka”ga qarshi o'yinni o'tkazib yubordi.

Unda 3:0 hisobida g'alaba qozongan “qaymoqranglilar” finalga yo'l oldi. Jurnalist Melchor Ruizning yozishicha, 39 yoshli futbolchi “Barselona” bilan final jangida maydonga tushishga tayyor.

Luka Modrich joriy mavsum “Real” safida 27 ta o'yinda maydonga tushib, 2 ta gol urdi va 4 ta golli uzatmani amalga oshirdi.