"Real Madrid" muxlislari yaqinda "Selta"ga qarshi o'yinda jamoaga nisbatan xushtakbozlik qilishdi. Bu Ispaniya Superkubogi finalida "Los Blankos"ning "Barselona"dan 2:5 hisobida mag'lub bo'lishiga munosabat bo'ldi.

Madridliklar hujumchisi Kilian Mbappe bu hushtakbozlik haqida fikr bildirdi.

"Men bunday bosimga muhtoj futbolchiman. "Selta"ga qarshi o'yinda bizga nisbatan hushtakbozlik qilishdi, ammo bu normal holat. Agar siz g'alaba qozonmasangiz, odamlarning norozi bo'lishlari odatiy holdir. Bizning vazifamiz buni o'zgartirishdir. Yakshanba kuni yaxshi o'ynadik, bizda o'zgarish va yaxshi o'ynash uchun xarakter bor. Odamlarning bizga nisbatan hushtakbozlik qilishlari bilan bizda muammo yo'q. Men hushtaklarbozliklarni tushunaman, hech qanday muammo yo'q, lekin birdamlikni yo'qotmaylik" - dedi Mbappe jurnalistlarga.

Chorshanba kuni Madridning "Real" klubi Chempionlar ligasi doirasida "Red Bull Zaltsburg"ga qarshi bahs olib boradi.