Madridning "Real" klubi rahbariyati "Bayer"ning amaldagi bosh murabbiyi Xabi Alonso bilan muzokara o'tkazdi. Ispaniyalik mutaxassis kelasi mavsumdan "qirollik klubi"ni boshqarishi kerak. U "qaymoqranglilar" boshqaruvida italiyalik mutaxassis Karlo Anchelotti o'rnini egallaydi.

Muzokaralar chog'ida Alonso "Real" bosslariga talab qo'ydi. Xabi jamoaga "Bayer" hujumkor yarim himoyachisi Florian Virtsning o'tishini istamoqda. Vingerning transfer narxi 140 million evroga baholanmoqda.

Eslatib o'tamiz, Chempionlar ligasi chorak final dastlabki o'yinida Madrid grandi Londonda "Arsenal"ga 0:3 hisobida imkoniyatni boy berib qo'ygan edi.