"Barselona" klubi prezidenti Joan Laporta Chempionlar ligasi chorak finalidan o'rin olgan "Borussiya" Dortmundga qarshi javob o'yini haqida gapirdi.

"Ko'k-anorranglilar" birinchi o'yinda "asalarilar"ni 4:0 hisobida mag'lub etib, yarim final yo'llanmasini deyarli naqd qilishgandi. Javob o'yini seshanba kuni Dortmundda bo'lib o'tadi.

"Ertangi o'yin juda muhim. Biz g'alaba qozonib, Chempionlar Ligasiga signal bermoqchimiz - o'zimiz kim ekanligimizni bildirmoqchimiz. Biz dam olishimiz mumkinligi haqidagi gaplarni eshitdim. Yo'q. Bizning vazifamiz - yana g'alaba qozonish.

Jamoa va murabbiy o'ta diqqatni jamlagan, xotirjamlik yo'q. Raqib hurmatga loyiq, biz maksimum ko'rsatishimiz kerak. Futbol tarixida har xil voqealar bo'lgan," - deya Laportaning so'zlarini keltiradi Barca Universal.