FIFA toifasidagi sobiq hakam Alfonso Peres Burrul "Barselona" va "Selta" (4:3) o'rtasidagi uchrashuvda 11 metrlik jarima zarbasi berilishiga izoh berdi.

"Barselona" VAR yordami bilan qo'shib berilgan daqiqalarning so'nggi daqiqasida belgilangan penaltidan g'alaba to'pini kiritdi.

"Dastlab Yoel Lago Olmoni engil turtgandek tuyulgandi, ammo takroriy lavhalarda u "Barselona" futbolchisining to'pga o'ynashiga xalaqit berganini ko'rishimiz mumkin. Shu tariqa, penalti asosli ravishda belgilandi," - deya Burrulning so'zlarini Marca nashri keltiradi.