"Barselona" yarim himoyachisi Mark Kasado "Vilyarreal"ga (2:3) qarshi o'yindan keyin intervyu berdi.

"Ko'k-anorranglilar" 37-tur o'yiniga muddatidan avval chempion sifatida etib kelishdi. Final hushtagidan so'ng, Kataloniya grandi mag'lubiyatga qaramay, bayram qildi. Jamoaga La Liga kubogi topshirildi.

"Mavsumning birinchi yarmi men uchun ajoyib o'tdi, keyin esa jarohat barchasini barbod qildi, lekin eng muhimi - jamoaning muvaffaqiyatlari, shuningdek, o'yinimiz muxlislarga beradigan quvonch," - dedi 21 yoshli futbolchi jurnalistlar bilan suhbatda.

Mark Kasado mart oyining o'rtalaridan beri maydonga tushmayapti. U "Atletiko" bilan o'yinda jarohat olgandi.