"Barselona" markaziy himoyachisi Ronald Arauxo sotuvga qo'yilishga nomzodlardan biri hisoblanadi.

26 yoshli futbolchiga transfer bozorida talab bor va "ko'k-anorranglilar" bundan foydalanib, moliyaviy muammolarni hal qilishi mumkin. Diario AS xabariga ko'ra, klubning ba'zi rasmiylari Arauxoni sotish g'oyasini qo'llab-quvvatlamoqda, ammo klub sport direktori Deku markaziy himoyachi qolishi kerak deb hisoblamoqda. Futbolchining kelajagi bosh murabbiy Xans-Diter Flikka bog'liq emas: nemis murabbiyi, manbaga ishonadigan bo'lsak, aniq pozitsiyaga ega emas - u klubning urugvaylik bo'yicha har qanday qarorini qabul qiladi.

Qayd etilishicha, Ronald Arauxoning bozor narxi so'nggi paytlarda jarohatlar tufayli sezilarli darajada tushib ketgan. Transfermarkt portali himoyachining narxini 35 mln evroga baholamoqda.