"Barselona" yozda shartnoma imzolagan yangi futbolchilarni ro'yxatdan o'tkazishi kerak bo'ladi. "Ko'k-anorranglilar" safini Joan Garsiya ("Espanol"), Markus Reshford ("Manchester Yunayted," ijara) va Runi Bardji ("Kopengagen") to'ldirdi. Jurnalist Aleks Pintanelning ma'lum qilishicha, Kataloniya klubi La Liganing 16 avgust kuni bo'lib o'tadigan "Malorka"ga qarshi birinchi tur o'yiniga barcha futbolchilarni ro'yxatdan o'tkazishga ulguradi.

O'tgan mavsumda "Barselona" Ispaniya chempionligini qo'lga kiritib, Madridning "Real" klubini 4 ochkoga ortda qoldirgandi. Shuningdek, Xans-Diter Flik jamoasi Ispaniya kubogi va mamlakat Superkubogini qo'lga kiritdi.