Yarim himoyachi Fermin Lopes yakshanba kuni bo'lib o'tgan "Xetafe"ga qarshi bahsda jarohat oldi.

22 yoshli futbolchi ikkinchi bo'limda zaxiradan maydonga tushdi, biroq jarohat bilan o'yinni yakunladi va uchrashuv tugagach, ko'z yoshlarini tiya olmadi. Jurnalist Fernando Poloning yozishicha, "Barselona"dagilar pessimistik kayfiyatda. Tekshiruvlar dushanba kuni bo'lib o'tadi, ammo klubdagilar jarohat jiddiy bo'lib chiqishi mumkinligidan xavotirda.

Xans-Diter Flik jamoasi "Xetafe"ni Ferran Torres (dubl) va Dani Olmoning gollari evaziga 3:0 hisobida mag'lub etdi.

25 sentyabr kuni Kataloniya grandi "Real Ovedo" mehmoni bo'ladi.